Category: සිංහල බ්ලොග්

එන්න බ්ලොග් අවකාශය දෙකට බෙදෙන්න…. සින්ඩි හදන්න….(බ්ලොග් අවකාශය තුල කුල වාදයේ ඇරඹුම)

Picture123

පැ(කැ)ම්පස් සින්ඩිය පිළිබඳව ඇනෝනිමැස්සෙකු හා පැවැත්වූ විශේෂ සංවාදය.

ඒ පාර මොකක්ද මේ පැම්පස්…?
මේ මොකක්ද කියන එක පැම්පස් කියන නමෙන්ම තේරෙනවා. පැම්පස් කියන්නේ හැමෝම පාවිච්චි කරන දෙයක් නෙමේ. මේක හැමෝටම තියෙන දෙයක් නෙමේ. විශේෂිත පිරිසකට තියෙන දෙයක්. කැම්පස් ගිය, යන අයට තියෙන දෙයක්.

එතකොට මොකාද මේක කරන්නේ ප්‍රශ්නය රාමයාට ඇති උනේ ඇයි?
රාමයාට දෙයක් ගැටලුවක් වෙන්නෙ එයාගේ සම්පත් දායකයින්ට රිදෙනවා නම් විතරයි. එතනින් එහාට මහින්ද මහත්තයායා පෝලිං කරලා මෙව්වා කරත් එයා කියන්නේ ඔහොම දේවල්ද ලෝකෙ සිද්ද වෙලා තියෙන්නෙ කියලා. ඊට පස්සෙ වෙද මහත්තයෙක්ටත් කතා කලාලු. ඇත්තටම පැම්පස් සම්බන්ධ කාරණාවක් නිසා වෙද මහත්තයෙක්ට කතා කරපු එක හොඳයි. ලලීන් නම් ඉතින් අහවල් දේට කතා කරත් හා කියන හාදයානෙ.

ඇයි එතකොට තියෙන සින්ඩි මදිද…?
ඔව් ඇත්තටම අපි ලැට් එකට ගිහින් එතනදි කරන්නෙ බොග දාන එක. කැම්පස් එකේ ලැට් එකෙත් කරන්නෙත් ඒක. අරලිය මල් මන්දිරේ ලැට් එකේ කරන්නෙත් ඒක. කැම්පස් උප සංස්කෘති ඇතුලෙ නම් සමාර කැම්පස් වල ලැට් කටවල් වලට ජූනියස්ලගේ මුහුන ඔබලා රැග් දෙන විශාල උප සංස්කෘතියක් තිබෙනවා. සාමාන්‍ය සමාජයේ අපිට ඒක පිළිකුලක් . නමුත් උගත් බුද්ධිමත් උප සාංස්කෘතික උරුමයක් සහිත අයට ඒක ඒ තරම් ගැටලුවවක් නැතිව ඇති. ඒ නිසා ඒ වගේ විශාල උප සංස්කෘතික දායාදයක් තියෙන තැන්වලට කැම්පස් නොගිය බ්ලොග් කරුවන් දිරවන්නෙ නැතිව ඇති. ඒ නිසා මේවගේ දෙයක් වැදගත් වෙයි.

එහෙම වෙන් වෙනවට වඩා, එකමුතු වෙන එක නේද වෙන්න ඕන..?
පිස්සුද? හතු පිපෙන්නා වගේ සින්ඩි ආවටට ඒවයෙ ලිපි වැටෙන්නේ එකගොඩේ. පැම්පස් පාවිච්චි කරන අයව විශේෂයෙන් හොයාගන්න බෑ. පැම්පස් කුලයේ අයව වෙනම වෙන් කරලා ගන්න ඕනේ. දැන් බලන්න කතන්දර. කොච්චර අර්ථාන්විත බ්ලොගයක්ද? ඒ වගේ අර්තාන්විත දේවල් ලියන්න පුළුවන් පැම්පස් කුලේ අයට විතරයි. අනික් උන් මොක්කුද!

එතකොට අපිට කොහොමද උදව් කරන්න පුළුවන්?
මේක තියෙන්නේ පැම්පස් අඳින අයට විතරයි. අනික් අයට් පුලුවන් එයාලා පැම්පස් අදින දිහා බලන් අත හොලවලා කොලේක පිහගන්න.

වැඩක් වෙයිද..?
හොඳම උදාහරණය කවිතා වැඩ සටහන. ඔය කවිතා කියන්නෙ නිකං මොන්ටිසෝරි උත්සවයක් වගේ එකක්. නැටුං පුරුදු කරලා.. දෙමාපියන් ඔක්කොම කරල දීල ලමයිට තියෙන්නෙ ගිහින් එතන නටලා ආතල් එකක් අරං එන්න. එස්බී විසින් ගෙනාපු හොද ජාතියෙ ලනුවක් තමයි කවිතා කියන්නෙ. අවුරුදු විසි ගානක් වෙන තරුණයොන්ට අඩුගානෙ මියුසිකල් ඉවන්ට් එකක් තනියම ඕගනයිස් කරගන්න බැහැ. ඒකටත් ආන්ඩුවෙන් සල්ලි හිගාකාලා අර මොන්ටිසෝරි විවිධප්‍රසංගයෙක් වගේ එකක් තියෙනවා. ඒකෙන් විසාල දෙයක් වෙනවා කියලා හැමෝම කියනවා. නමුත් මේ තාක් වෙනකල් කැම්පස් වල ළමයි ගෙනගිය කළා උලෙලවල් ශිෂ්‍ය සංගම් විසින් ගෙනගිය කලා වැඩසටහන් සියල්ල ඩෝසර් කරලා ඒකට උඩින් දැම්මා කවිතා කියන අලුත් පස් ලොඩ් එකක්. මේ ලලියා වගේ අන්ඩුවෙ ලේක් හවුස් කියන කුස්සියෙ දංකුඩ හූරන උන්ට ඕව දැකල චුන් වෙනවා ඇති. ඒත් අපිට නම් කිසිම ආතල් එකක් නැහැ කවිතා වල.

පැම්පස් සින්ඩිය කා සඳහාද….?
ඇත්තටම ඩිග්‍රියක් ගත්තු එක්කෙනෙක්ගේ ළමයෙක් කියන්නෙත් අනුහස් තියෙන පරානයක්. මම නම් හිතන්නෙ උපාධි ගත් අයගේ ළමයි වර්ගීකරනය කරලා එයාලටත් සිංඩියක් හදලා දීල තියෙනවා නම් හොදයි. එතකොට අපිට දෙමාපියන් දෙදෙනාම ඩිග්‍රි කරුවන් නම් ඒ අය ගැන වඩාත් විශේෂ සැලකිල්ලක් දක්වන්නට හැකි වේවි.

අප්පට සිරි තෑගිත් දෙනවද….?
මේ සිංඩියේ ලියාපදිංචි කරන්නෙ උපාධි සහිත අය විතරයි. එතකොට ත්‍යාග සහතික දොලපිදේනි දීල ෆෝම් කරන්නෙ අර උපාධී සහිත සහ උපාදි ගන්නට පෙරුම් පුරන අය විතරයි. මෙතනදි මේ අය අවිඥානිකවම කරන්න හදන්නෙ තමුන්ගේ නැතිවෙල ගිහිපු කිරුළ රැකගන්න එක. සාමාන්‍ය සමාජයේදී උපාධි කාරයෙක් කිව්වම මිනිස්සු සලකනවා. කලිසමක් ඇදල බස් එකට නගින ඕන එකෙක්ට බස් එකේ කොන්දා මහත්තයා කියනවා වගෙ උපාදියටත් ලංකාවෙ තියෙන උපාධි ගැන නොදන්න ගැමියො සලකනවා. එතකොට ලංකාවෙ සාමාන්‍ය සමාජයෙදි උපාධිය කියන්නෙ පොරත්වය ඇතිකරගන්න ලැබෙන ආබරණයක් වගේ එකක්. නමුත් සයිබර් එකේ උපාධි කාරයෙක් කියන්නෙ කිසි වැදගත් කමක් ඇති අය නෙමෙයි. ඉතාම සුලුතරයක් සිය අධ්‍යාපනයෙන් උගත් දේවල් අනික් අයට ලබාදෙන්න සහ අලුත් දේවල් හිතන්න උත්සාහ කරනවා. නමුත් අනික් බහුතරය කරන්නෙ කැම්පස් ඇතුලෙ කරපු දේවල් කරපු විහිලු අපිට කියලා අපෙන් කොමෙන්ට් හිගා කන එක. පේරාදෙනියෙ ඉංජිනේරු මහත්තයා ගූ ගොඩ පවා හිට් කරලා හිට් හිගා කනවා. ඉතිං ඒ වගේ අයගෙන් මේ සමාජයට වෙන සේවේ අර පත්තර වල තියෙන දෙයියෝ සාක්කි, අනේ බොලං, වගේ ආටිකල් කෑලි ලියලා දෙන එකද? මේ වගේ සයිබර් එක ඇතුලෙදි සුන්නද්ධූලි වෙලා යන තමුන්ගේ උපාධියට තැනක් හදාගෙන කස්ටියක් සෙට් කරගන්න මේ අයියලා උත්සාහ කරනවා. ඉතිං මේ වැඩේ ඉතාම හොඳයි. කරගෙන යනකොට අපිටම ලංකවේ බුද්ධිමතුන්ගේ බුද්ධිමය වැඩ ගැන අවබෝධයක් ඉබේම ලැබෙයි.

එතකොට කව්ද ඔය ජයග්‍රාහකයෝ තෝරන්නේ..?
කතන්දර ඇල්කෙලියා වගේ බ්ලොග් අවකාසේ පට්ට එක්පීරියන්ස් තියෙන අය සෙට් එකක්. වණ්ඩුආප්ප, ටියුබ්, ගදරූ, රාමයා වගේ පට්ට සාහිත්‍යකාරයෝ සෙට් එකක්. මේවා තෝරන අය පැම්පස් කුලයේ නොවුනට අවුලක් නෑ. වැඩේ වෙනවනම් පූසා මැටියෙන් උනත් මොකෝ. තව එස් එම් එස් ක්‍රමේකුත් තිබුණනම් වඩා හොඳයි. එතකොට වැඩිපුරම සිම් තියෙන කෙනාටත් චාන්ස් එනවා.

එතකොට මෙහෙම එකක් විශේෂයෙන් ආරම්බ කිරීමට හේතුව ?
එකම මොරා කැම්පස් උන් හැමදාම එන්ඩීටී උන්ට තඩිබානවා. ඒ වගේම දොස්තරලා කැමති නැහැ නර්ස් අක්කලා ඩිග්රියක් ගන්න එකට. කැම්පස් කැම්පස් අතරත් හැමදාම වලි. විශ්ව විද්‍යාල වලට එන අයට තියෙන්නෙ සහතිකේ ලබා ගැන්ම, බඩුවක් දාගැන්ම, හොද රස්සාවක් ලබා ගැන්ම, වාගේ පුද්ගලික අරමුණක් විතරයි. එයාලට සන්නිවේදනය කියල සබ්ජෙක්ට් එකක් තිබුනොත් ඒකට හොද අකුරක් ගන්න ලොකු උත්සාහයක් ගනිවි. එහෙම නැතුව සන්නිවේදන කුසලතා දියුනු කරගන්න නම් ඔය කවුරුවත් පෙනී සිටින්න එකක් නැහැ. බොදු බල සේනාව, කිරිබත්ගොඩ ගානානන්ද වගේ සෙට් පිටිපස්සෙන් අද වෙනොකට වැටිල ඉන්නෙත් කැම්පස් ගිහිපු බහුතර සිසුන්. ඒත් එක්ක ඒ අයගේ දේශපාලනික දැනුම ගැන අපිට තරමක් හිතාගන්න පුළුවන්. මලාලා වගේ චරිත කවදාවත් අපේ මේ තියෙන රජයේ කැම්පස් වලින් නම් බිහි වෙන් නැහැ. ඒත් මේ පැම්පස් වැඩපිළිවෙල නිසා එක මලාලෙක් හරි ඇති වෙනවනම් ඒක තමයි ඒ අයගේ ජයග්‍රහණය.

එතකොට මොනවද ලියන්නේ..?
කතන්දර වගේ ඕනෙම දෙයක් ලියන්න පුළුවන්. කක්කා කතා, පඩ කතා, චූ කතා, ජී කතා ඕනෙම දෙයක්. හැබැයි හොඳ සාහිත්‍ය දැනුමක් තියෙන්නේ කැම්පස් ගිය අයට විතරයි. පැම්පස් සින්ඩිය බැලුවම හැමෝටම තේරෙයි කැම්පස් ගිය අය තරම් සාහිත්‍යමය දේශපාලනමය දැනුමක් වෙන කාටවත් නැති බව.

එච්චරද…?
අපෝ නෑ තව කොච්චර තියෙනවද! පොලුකාරයිනට් කැම්පස් ගිය අයව වෙනම කැටගරියකට ගන්න පුළුවන්. බඩු කාරයින්ට ලේසියෙන් කැම්පස් බඩු සිලෙක්ට් කරගන්න පුළුවන්.

එතකොට අනික් උන්ට හුළංද….?
නෑ නෑ. මං හිතන්නේ මේ අය මේකේ ඊළග පියවටර විදිහට කැම්පස් එකේ අනද්‍යන සේවකයින්ට වෙනම සින්ඩියක් ආරම්භ කරන්න ඉන්නවා පැම්පස් වරහන් ඇතුලේ අනද්‍යන කියලා. මොකද එයාලත් ලෙක්චර්ස් යන්න වාසනාව නැති වුනාට කැම්පස් යන්න වාසනාව ලබපු අය.

මේ වගේ ශ්‍රේෂ්ඨ අදහසක් පහළ උනු මා නොතලන් මහතා ගැන ඔබේ අදහස කුමක්ද?
ඇත්තටම එතුමා මීට වඩා එතුමාගේ ශාරීරික යෝග්‍යතාව ගැන අවධානය යොමු කරනවනම් හොඳයි. බඩ පොඩ්ඩක් අඩු කරගැනීම ගැන වැඩි අවධානක් යොමු කළයුතුයි. ඒ සේරටම වැඩිය එතුමා එතුමාගේ මානසික සෞඛ්‍ය ගැන අවධානය යොමුකරනවා නම් වඩා හොඳයි. එතුමා නිතරම මානසික ව්‍යායාම වල නිරත වෙන එක බොහොම වැදගත් වෙයි. එහෙම උනොත් එතුමාට හිටි හැටියේ ඇතිවෙන විකාර රූපී මඤ්ඤං අදහස් බොහොමයක් නැති වෙන්න තිබුණා.

අවසාන ප්‍රශ්නය. ඔවුන්ගේ මෙම පැම්පස් සින්ඩිය පිළිබඳ මා නොතලන් මහතා ලියූ ලිපියේ Syndi යන්න Cyndi ලෙස ලිවීම හා ඔවුන්ගේ පැම්පස් සින්ඩියේ යූ.ආර්.එල් එක cam + pussy+ ndi ලෙස නම් කිරීම අතර සම්බන්ධයක් තිබෙනවාද?
කරුණාකරලා මේ වගේ වැදගත් මාධ්‍යක ප්‍රසිද්ධියේ ප්‍රශ්න අහනකොට වැදගත් ප්‍රශ්න විතරක් අහන්න. මේවට උත්තර දෙන්න මම බැදිලා නෑ. ඒත් මට පහත පින්තූරය පෙන්නන්න පුළුවන්.

Cam+Pussy

Advertisements

බඩුකාරයෝ සහ පොලුකාරයෝ

බඩු කාරයෝ සහ පොලු කාරයෝ බ්ලොග්ගස්තොට ගම්මානෙ පදිංචියට ආවෙ එකම කාලෙක වගේ. මාස කීපෙක වෙනසක් විතරයි තිබ්බෙ. එයාලා බ්ලොග්ගස්තොට ගම්මානෙට ආව දවස් වල බඩු කාරයෝ කියන්නෙ බඩු කාරයෝ බවවත් පොලු කාරයෝ කියන්නෙ පොලු කාරයෝ බවවත් ගමේ කවුරුවත් දැනගෙන හිටියේ නෑ. ගම්මානේ අහල පහල ගෙවල් වල තමයි ඒ අය වාසය කලෙත්. ටික කාලෙකින් එයාලා ගජ මිතුරෝ බවට පත් උනා. එකට සෙට් උනා. එකට කෑවා. එකට බිව්වා. මෙයාලා බ්ලොග්ගස්තොට ගම්මානෙට ආවේ බොහොම යහපත් චේතනාවකින්. බ්ලොග්ගස් ටිකක් වවාගෙන කරගෙන සතුටින් ජීවත් වෙන්න හිතාගෙන.

එකට කකා බිබී කාලේ ගතවෙන අතරේ මෙයාලගේ බ්ලොග්ගස් ව්‍යාපාරේ බොහොම සරු වෙනවා. මෙයාලා වටේට මහා ගැණුම්කරුවෝ පිරිසක් එකතු වෙන්න ගන්නවා. ඒ අතරේ මේ අයව දේවත්වයෙන් වගේ සලකන අයත් ඇති වෙනවා. ඔන්න එතකොට තමයි මෙයාලට තමන් බ්ලොගස්තොට ගමට ආව යහපත් චේතනාව යටපත් වෙලා කුප්ප සිතුවිලි පහල වෙන්න ගන්නේ.

බඩු කාරයන්ට මිනිස්සුන්ගේ අනාගතේ පේන්න ගන්නවා. එයාලා බ්ලොග් ගස් ව්‍යාපාරේ අතරේ මිනිස්සුන්ගේ ග්‍රහයෝ වෙනස් කරන්න පටං ගන්නවා. පොලු කාරයන්ට මිනිස්සුන්ගේ දුප්පත් කම තේරෙන්න පටන් ගන්නවා. එයාලා බ්ලොග්ගස් ව්‍යාපාරේ අතරේ මිනිස්සුන්ට නව ආදායම් මාර්ග ඇති කරන්න දායක වෙනවා. මේ කට්ටිය බ්ලොග්ගස් ව්‍යාපාරයේ නාමයෙන් මිනිස්සු එක්කාසු කරන්න පටන් ගන්නවා. තමන්ට හිතවත් පිරිස් ඇති කරගන්නවා. ඒ අතරෙම මෙයාලා ගම්මානේ මිනිස්සුන්ව සතුටින් තියන්න අවුරුදු උත්සව වගේ දේවල් සංවිධානයටත් දායක වෙනවා.

මෙයාලගේ කුප්ප අදහස් කාටත් හොරෙන් මුදුන් පමුනවාගනිමින් ටික කාලයක් ගතවෙනවා. ඒත් පින්වතුනි සොබාදහම් නීතියට අනූව මෙයාලට මේ දේවල් දිගටම කරගෙන යන්න උනේ නෑ. මෙයාලගේ පජාත ක්‍රියා එකින් එක බ්ලොග්ගස්තොට ගම්මුන්ට දැනගන්න ලැබෙනවා. මෙයාලගේ වැඩ ගැන කියලා ඇනෝනි මැස්සන් නම් කුණු මැස්සන් විශේෂයක් විසින් ගම්මානේ පුරා කැලෑ පත්තර ගහන්න පටන් ගන්නවා. බඩුකාරයෝ කියන්නේ බඩුකාරයෝ බවත් පොලු කාරයෝ කියන්නේ පොලුකාරයෝ බවත් ගමේ මිනිස්සු ටිකෙන් ටික දැනගන්න පටන් ගන්නවා.

මේ කැලෑපත්තර වල එයාලා කාපු බීපු වෙලාවල් වල කතා උනු කාරණා අඩංගු වෙලා තියෙනවා. ඔන්න එතකොට තමයි මේ දෙගොල්ලන්ට දෙගොල්ලෝ ගැන සැක හිතෙන්න පටන් ගන්නේ. ඉතින් එයාලා විරසක වෙනවා. ඔය අතරේ ඇනෝනි මැස්සෝ තව තව විස්තර අඩංගු අලුත් කැලෑ පත්තර ගහන්න පටන් ගන්නවා. බඩුකාරයන්ගේ සහ පොලු කාරයගේ ක්‍රියාවන් ගැන විස්තර සපයනවා. බඩුකාරයන්ගේ සහ පොලු කාරයන් එයාලගේ බ්ලොග්ගස් වලට ඇනෝනි මැස්සන්ට වහන්න බැරිවෙන්න එයාලා දැල් ගහවා. එයාලා කියනවා ඇනෝනි මැස්සන් කියන්නේ බ්ලොග් ගස් මරා දමන මහා බයානක කෘමීන් විශේෂයක් බව.

කාලය මෙසේ ගෙවී යද්දී මේ බ්ලොග්ගස්තොට ගම්මානේ වාසය කරන අහිංසක මෝඩ හාවෙකුට රස්සාවක් හොයාගන්න හිතෙනවා. ඉතිං මේ අහිංසක මෝඩ හාවා පත්තරයක් වෙබ් අඩවියක් බලලා රස්සාවක් හොයනවා වෙනුවට මොකද කරන්නෙ ෆේස්බුක් නම් බඩකඩිත්තුවේ ඉස්ටේටස් පොජ්ජක් මන්දු කොරනවා “අනේ අයියා මට රස්සාවක් ඕනේ අයියා” කියල. මේක මුලින්ම ඇහැ ගැටෙන්නේ පොලු කාරයින්ට. මේක මේ අහිංසක මෝඩ හාවව යොදාගෙන “බලපල්ලා බ්ලොග්ගස්තොට ගම්මානේ මිනිස්සු තාමත් මාත් එක්ක ඉන්නවා” කියන්න පුලුවන් කදිම අවස්ථාවක් බව පොලු කාරයන්ට වැටහෙනවා. ඉතිං පොලු කාරයෝ මේ අහිංසක මෝඩ හාවව තමන් ළඟ සේවයට බදවා ගන්නවා.

තමන්ගේ දවසේ රාජකාරි නිමවා පැමිණෙන බඩු කාරයෝ මේ වෙලා තියෙන වින්නැහිය දැකලා කම්පාවෙනවා. තමන් මේ අහිංසක මෝඩ හාවාව තමන්ගේ පැත්තට නම්මා ගන්න කලින් තමන්ගේ හතුරා විසින් හාවව ඒ පැත්තට නම්මා ගැනීම ගැන. ඉතිං බඩුකාරයෝ මේ අහිංසක මෝඩ හාවව දැනුවත් කිරීම වෙනුවට ඌව ඔවුන්ගේ ෆේස්බුක් බඩකඩිත්තු පිටුවෙන් අහක්කරලා දානවා. එහෙම කරලා මහා පංපෝරි ගහන්න පටන් ගන්නවා. මේ පංපෝරි දකින පොලු කාරයන්ට පොඩ්ඩක් තරහා යනවා. ඉතින් එයාලා බඩුකාරයෝ ගැන බ්ලොග් ගහක් ඉන්දෝනවා.

මේ සිද්ධිය දිහා බලාගෙන හිටපු ඇනෝනි මැස්සෙක් හරි අපූරු කැලෑපත්තරයක් ගහනවා. ඒත් ඒ කැලෑ පත්තරය පොලුකාරයෝ විසින් ගලවා දමනවා. ඒ හරි අපූරු කැලෑ පත්තරේ තිබුණු විස්තරේ මෙහෙමයි….

බඩු කාරයෝ අහිංසක මෝඩ හාවව බුදු ෆිට් එකේ තියාගෙන ඉන්නේ ඌ කවදා හරි ලී මෝල් හිමියෙක් වෙන නිසා. දැන් පොලු කාරයෝ උගේ ප්ලෑනට කෙලියා.
බඩු කාරයෝ ආස්‍රය කරන්නේ සල්ලි කාරයින්වයි රට ඉන්න උන්වයි විතරනේ!
බඩු කාරයන්ගෙයි පොලු කාරයන්ගෙයි ඒ හැටි වෙනසක් නෑ. බඩු කාරයෝ කරන්නේ එක එක උන්ගෙන් තමන්ට දේවල් ලැබෙන තැනට ගේම ගෙනියන එක. පොලු කාරයෝ කරන්නෙ එක එක අයගෙන් දේවල් ආයේ දෙන්නං කියලා ඉල්ලගෙන වැඩේ වන කරගන්න එක.

එක අතකින් බලාගෙන යනකොට අසිපත අත ගත් අසරුවන්ට, සිරිලංකාව කියන රටේ ජාතික කොඩියේ ඉන්න සතාට පවා පොල්ල තිබ්බ පොලු කාරයිටයි, ලෙඩ බලන නෝනලයි නඩු අහන නෝනලයි කෙස්වලු පටලවන්න වැඩ සැලැස්සුව බඩු කාරයින්ටයි අහිංසක මෝඩ හාවෙක් කියන්නේ කජ්ජක්ද පින්වතුනි.

මේ බඩුකාරයින්ගේ සහ පොලුකාරයින්ගේ පොදු ගතිගුණ කීපයක් ඇනෝනි මැස්සෝ හොයාගෙන තිබ්බා. ඒ තමයි කෙනෙක් “හුංජි ජැපැං” වගේ නමකින් එනවනම් හෝ තමන් පිටරටක වාසය කරන බව අඟවා තියෙනවානම් ඒ අයට බඩුකාරයන් සහ පොලු කාරයන්ගෙන් විශේෂ සැලකිලි ලැබෙනවා. කොටින්ම එයාලගෙ මහා බ්ලොග්ගස් ව්‍යාපරය තුලින් ඒවගේ අයගේ නම් ප්‍රසිද්ධ කරන්න පවා එයාලා පෙලබෙනවා. සමහර වෙලාවට මෙහෙම කියන්න පුළුව්න් “අප්පේ මේ වණ්ඩුආප්පඅයියා අපේ මැරුණු බබාඅයියා වගේමයි අනේ. අනාගතේ හරී ජගතෙක් වෙන බව පේනවා”.

හැබැයි කෙනෙක් “ගල්නෑවෙ සිමියොං” වගේ නමකින් ආවොත් බඩුකාරයෝවත් පොලුකාරයෝවත් එයාලව පඩේකට මායිම් කරන එකක් නෑ.

ප:ලි : හිතවත් බ්ලොග්ගස්තොට ගම්වාසීනි ඔබත් බඩුකාරයෝ සහ පොලුකාරයෝ ප්‍රවේශමෙන් ආශ්‍රය කර ඔබේ වටිනා සල්ලි අයියෝ සල්ලි වීමෙන් වලකා ගන්න.

ආචාරධර්ම, ප්‍රකාශන අයිතිය සහ තවත් සිංහල බ්ලොග් බයිලා

ලියුම්කරු මීට මාස කීපයකට කලින් නිර්නාමිකත්වය සහ ව්‍යාජනාමිකත්වය පිළිබඳ ලිපියක් ලියුවේය. එය අතලොස්සක් දෙනා කියවීය. කාරණා තේරුම්ගත් පිරිස ඉතා අල්ප විය හැකිය. ලියුම්කරුට ඒ ලිපිය ලියන්නට හේතු වූයේ එදා සිංහල බ්ලොග් අවකාශය තුල නිර්නාමිකයින් පිළිබඳව ඇතිවී තිබූ හාස්‍යජනක කතාවන්ය. එම සිද්ධිදාමයේ අවසන බොහෝ දෙනා නිර්නාමිකත්වය පිලිබඳ තරමක අවබෝධයක් ලබාගත් බව ලියුම්කරුගේ හැඟීමයි. නිර්නාමිකත්වයට අකමැතිව සිටි තවත් පිරිසක් එක සිද්ධිදාමය අවසන නිර්නාමිකයින් පිළිබද තමන්ගේ අකමැත්ත තවත් වැඩි කරගත් බවද ලියුම්කරුට පෙනිනි. කෙසේ හෝ අද වනවිට තවත් නව මාතෘකා කිහිපයක් පිලිබඳ සිංහලබ්ලොග් අවකාශය තුල කතිකාවන් ගොඩනැගී ඇත. තැන් තැන් වල බ්ලොග්වල අදහස් දැකීව්ම්, ලිපිවල ප්‍රකාශන හිමිකම හා බ්ලොග් අවකාශයේ පොරවල් නමැති මාතෘකා යටතේ හාස්‍යජනක කතා නිර්මාණය වී තිබේ. ලියුම්කරුගේ මේ උත්සාහය ඒ අදාල කාරණා විමසීමට ලක්කිරීමයි.

ලියුම්කරුගේ නෙත ගැටුනු පළමු ලිපිය වන්නේ සුදීක නමැත්තෙක් බ්ලොග් සඳහා අන්තර්ජාලය අස්සකින් සොයා ගත් ආචාරධර්ම පද්දතියක්(Code of conduct) හඳුන්වා දීමට යාමයි. එහිදී ඔහුගේ ලිපිය සම්බන්ධව වැටුනු බොහොම තාර්කික අදහස් විමසීමකට කල් කළොත් ඕනෑම අයෙකුට සුදීකගේ උත්සහයේ අසාර්ථක බව හොඳින්ම පෙනෙයි. එම ලිපියට වැටුනු අදහස් හිදී ලියුම්කරුට ලියන්නට විශේෂ යමක් ඉතිරි නොකරම සෑම අස්සක් මුල්ලක් පිලිබඳවම අදහස් දක්වන්නන් විසින් පෙන්වා දී තිබිණි. ලියුම්කරු මේ උත්සහ කරනුයේ ආචාරධර්ම පද්ධතියක්(Code of conduct) යනු කුමක්දැයි විමසා බලන්නටය.

ආචාරධර්ම පද්ධතියක් පවතින්නේ කිසියම් සංවිධානයක් හෝ පක්ෂයක් තුලයි. ආචාරධර්ම පද්දතිය අනූව කටයුතු කළ යුත්තේ අදාල සංවිධානයේ හෝ පක්ෂයේ සාමාජිකයින් විසින්ය. සංවිධානයේ හෝ පක්ෂයේ සාමාජියෙකු විසින් අදාල ආචාරධර්ම වලට පටහැනිව ක්‍රියා කිරීම නිසා ඔහුට හෝ ඇයට අදාල සංවිධානය හෝ පක්ෂය මගින් ලබා දෙන උපරිම දඩුවම සංවිධානයේ හෝ පක්ෂයේ සාමාජිකත්වය අහෝසි කිරීම විය හැකියි. ආචාරධර්ම පද්දතියක් යනු සංවිධානයක හෝ පක්ෂයක ක්‍රියාකාරීත්වය හේතුවෙන් ඉන් සේවාව ලබනා සියලුම පාර්ශවයන්ගේ සුභසිද්ධිය උදෙසා සෑදුනු, ප්‍රතිපත්තීන්, සම්මතයන්, ක්‍රියාපටිපාටි, විධික්‍රමයන් සහ සංවිධානයේ තීරණගතයුතු ආකාරය ආදිය පිලිබඳ සඳහන්  මාර්ගෝපදේශනයක් ලෙස අපිට සරලව හැඳින්විය හැකිය.

ඉහත හැඳින්වීම් බ්ලොග් අවකාශයට ඇතුලත් කළ හැකිද? බ්ලොග් අවකාශය යනු සංවිධානයක් හෝ පක්ෂයක් නොවේ. එනම් පොදු අරමුණක් වෙනුවෙන් පෙලගැසුනු මිනිසුන් සමූහයක එකතුවක් නොවේ. විවිධ බ්ලොග් කරුවන්ගේ අරමුණු විවිධය. සිංහල බ්ලොග් අවකාශය උපාසකයින්, උපාසක බලලුන්, තාපසයින්, බඩු කාරයින්, පොලු කාරයින්, මානසික ලෙඩ්ඩුන් ආදී විවිධ පුද්ගලයන්ගේ එකතුවකි. ඔවුන් විවිධ අරමූණු හේතුවෙන් බ්ලොග් ලිවීම නිසාම මේ විවිධත්වයක් ඇති බ්ලොග් අපට කියවන්නට ලැබෙයි. සුදීක නැමැත්තා ගෙනෙනා ආචාරධර්ම කඩ කරන්නනට කුමක් කළ හැකිද? ඒ අනූව බලන කල බ්ලොග් අවකාශයට ආචාරධර්ම පද්දතියක් කෙසේනම් ගෙන ආ හැකිද?

ලියුම්කරුගේ නෙත ගැටුනු දෙවන ලිපියනම් විචාරක නම් අයෙකුගේ ලිපියක ප්‍රකාශන හිමිකම පිලිබද හාස්‍යජනක කතාවකි.(පසුව ඔහු එම ලිපිය ඉවත්කොට ඇත) ඔහුගේ ලිපියේ සඳහන් කොට තිබූයේ ඔහුගේ මෙම ලිපියේ ඇති “නෝනට ඇත්ත කියනවා” නම් කතාව වෙන අයෙකු විසින් සොරකම් කොට(එම ලිපියද දැන් ඉවත්කොට ඇත) ඇති බවකි. ලියුම් කරු මේ පුවත දුටු සැනින්ම සිදුකලේ විචාරක නමැත්තාගේ ලිපියෙහි උපුටා ගත් තැන් ඇතිදැයි බැලීමයි. ඔහු එම ලිපියට භාවිතා කළ පින්තූර ගත් ස්ථානයන්ට සබැඳි ලබාදී තිබුණද ලිපිය කොතැනකින් හෝ උපුටා ගත් බවක් සඳහන් වී නොතිබිණි. එහෙත් එය ඔහුගේම නිර්මාණයක්දැයි ලියුම්කරුට සැකයක් ඇති විය. සරල ගූගල් සෙවුමකින් ලියුම්කරුට සොයාගත හැකි වූයේ විචාරක නමැත්තා ඔහුගේ යැයි කියන ලිපිය ඔහුගේ නිර්මාණයක් නොව අන්තර්ජාලයේ ඉංග්‍රීසියෙන් ලියවූවක් ඔහු විසින් පරිවර්තනය කිරීමක් බවයි. විචාරක නමැත්තා විසින් එම ලිපිය ඔහු උපුටා ගත් ස්ථානය සඳහන් කොට නැත. කොපි පුස්සෙකු විසින් කොපි පුස්සෙකුට කළ අභියෝග ලිපිය දැන් මකා දමා ඇතත් බොහෝ දෙනාගේ දැනගැනීම පිණිස අන්තර්ජාලය තුලප්‍රකාශන හිමිකම  පිලිබදව තොරතුරු සොයා බැලීමට ලියුම්කරු පෙළඹිනි.

සිතන්න ඔබ විසින් “ඔබගේම කතාවක්” ඔබේ බ්ලොග් අඩවියේ පලකළා යැයි. එය පලකළ විගසම ප්‍රකාශන හිමිකම් නීති යටතේ(Copyright law) එම ලිපියේ අයිතිය ඔබ සතු වෙනවා. ඔබේ ලිපිය කිසිවෙකු විසින් නැවත පලකිරීම වරදක්ද? සැබැවින්ම එය වරදක් වන සහ නොවන අවස්ථා තිබේ. යහ භාවිතය(fair use) යටතේ කිසියම් පුද්ගලයෙකුට ලිපියක කොටස් උපුටාගැනීමේ අයිතිය තිබෙනවා. යහ භාවිතය යටතේ ලිපියක කොටස් යොදාගත හැකි අවස්ථා නම්…

  1. අධ්‍යාපන හෝ තාක්ෂණික කටයුත්තක් වෙනුවෙන් උපුටා දැක්වීමට
  2. අදහස් දැක්වීම් හෝ විවේචනය කිරීම් වෙනුවෙන්
  3. උපහාසයට ලක්කිරිම සඳහා
  4. පුවත්පත් වාර්තාවක් සඳහා ලිපියේ සාරාංශයක් උපුටා දැක්වීමට
  5. සහ තවත් බොහෝ අවස්ථා වලදී

සිංහල බ්ලොග් යනු බොහෝවිට ව්‍යාපාරික අරමුණුවලින් නොව හුදු විනෝදාංශයක් ලෙසට පවත්වාගෙන යන බ්ලොග් අඩවිවේ. එවැන්නකින් ලිපියක් ගෙන අදාල මුල් ලිපියට සබැඳියක් සහිතව තවත් ව්‍යාපාරික අරමුණකින් පවත්වාගෙන යනු නොලබන අඩවියක දැමීම කිසිසේත්ම වරදක් නොවේ. ඔබට සිතෙනවානම් ඔබේ බ්ලොග් ලිපියක් යමෙකු සොරකම් කර ඇතැයි ඔබ කළ යුත්තේ ඔබේ බ්ලොග් අඩවියේ තවත් ලිපියක් ලියා අදාල තැනැත්තාට හෝ තැනැත්තියට විරුද්ධව යුධ ප්‍රකාශකිරීම නොවේ. හැකිනම් ඔහුගේ පුද්ගලික ඊමේල් ලිපියනක් වැන්නකින් ඔහුගෙන් හෝ ඇයගෙන් කරුණු විමසීමයි. ඔහුට හෝ ඇයට එම ලිපිය උපුටාගත් ඔබේ ලිපියට සබැඳියක් සටහන් කිරීමට පැවසීමයි. ඔබේ කීමට අදාල තැනැත්තා ඇහුම්කන් නොදේනම්, ඔබට අදාල ලිපිය අන්තර්ජාලයෙන් ඉවත් කළ යුතුමනම් සහ අදාල අන්තර්ගතය වෙනුවෙන් සටන් කිරීමට තරම් ඔබට හේතුවක් වේනම් ඔබට නීතිමය පිහිට පැතිය හැකියි. නමුත් අන්තර්ජාල ලියන්නෙකු ලෙස ඔබ අන්තර්ජායේ හැසිරීම තේරුම් ගතයුතුය. අන්තර්ජායල තුල ලියවෙන ලිපි පලකළ සැනින් තවකෙක් එක තවත් තැනක පලකිරීම අප දකින සුලභ සිද්ධියකි. විටෙක එක මුල් ලිපියට සබැඳියක් සහිතවද විටෙක සබැඳියක් රහිතවද සිදුවෙයි. යමක් උපුටාගන්නා විට එය උපුටාගන්න ස්ථානය සදහන් කිරීමට වගබලා ගැන්ම උපුටා ගන්නා තැනැත්තාගේ යුතුකමකි.අන්තර්ජාලයේ ලිපියක් පලකිරීමෙන් පසුව එහි කතෘ අයිතිය 100%ක් සුරැකේයැයි බලාපොරොත්තු විය නොහැක. එය කිසිසේත්ම යහපත් දෙයක් නොවන බව සැබෑවකි. නමුත් අද පවතින තත්වය, අන්තර්ජාලයේ හැසිරීම එය බව අප තේරුම්ගත යුතුව ඇත. තමන් අන්තර්ජාලයෙන් තමන්ගේ ලිපියට යොදාගන්නා පින්තූරයට පවා සබැදියක් ලබාදෙන කතන්දරකාරයා වැන්නවුන්ට ලියුම්කරුගේ ආචාරය හිමිවේ.

ලියුම්කරුගේ නෙත ගැටුනු තවත් ලිපි දෙකකි. එකක් නම් එක්තරා විශ්වවිද්‍යාල ආචාර්ය වරයෙක්යැයි කියාගන්නා අයෙක්ට අන්තර්ජාලය තුල “සෑර්” යැයි අමතා නැති නිසා හිතේ දුකට ලියවුණු සටහනක්ය. අනෙක නම් බ්ලොග් නවකයෝයැයි පිරිසක් අඳුන්වා ඔවුන්ට බ්ලොග් ලියන හැටි කියාදීමට එක්තරා “බ්ලොග් මහාචාර්ය වරයෙකු” ගත් උත්සහයකි.

අන්තර්ජාලය තුල ඕනෑම අයෙකුට ආචාර්ය වරුන්, මහාචාර්ය වරුන් විය හැකිය. ඕනෑම අයෙක් විය හැකිය. මීට ඉහතදී කළ සටහන් වලදී මෙන්ම අදාල බ්ලොග් කරුවන් දෙදෙනාත් තේරුම් නොගත් කාරණය නම් මෙය අන්තර්ජාලය බවයි. අපි සමඟ සංවාද කරනා පණිවිඩ යවනා අපට නොපෙනෙන අනෙක්පස සිටින පුද්ගලයාව අපි මින් පෙර කිසිදු දිනෙක දැක නැතිනම්, මුණගැසී නැත්නම් අපිට ඔහු කවරෙක්දැයි අනුමාන කළ නොහැකිය. ඔබ ඔබේ අදාල ගිණුම්වල ඔබේ හැබෑ තොරතුරු ඇතුලත් කළාය කියා තවකෙක් ඔබට “සෑර්” ලෙස ඇමතිය යුතුයැයි ඔබ සිතන්නේ නම් එය විකාරයකි. අනෙක් කාරණයනම් ඔහුට මචං හෝ අයියා යන යෙදුම්වලින් ඇමතීම එතරම් ඔහුට අපහසුතාවයක් ඇතිකරන්නේ කෙසේද යන්නයි. ඔහු ඔහුගේ තත්වය ගැන අධිතක්සේරුවක සිට ලෝකය දෙස බැලීම එයට හේතුව නොවේද? තමන් උගත්යැයි පුනපුනා කියනා ඒ “මචං කාරයාට” නිහතමානී පුද්ගලයෙකු වන්න ලැබේවා යන්න ලියුම්කරුගේ පැතුමයි.

ඊළඟ කාරණයනම් බ්ලොග් අවකාශය තුල ජේෂ්ඨයෝ සහ ආධුනිකයෝ පිළිබඳ කතාවය. බ්ලොග් අවකාශය තුල සිටින්නේ ලියුම්කරුවන්ය. වෙන කිසිවෙකුත් මෙහි නැත. අලුතෙන් එන්නන්න අත දෙන්නට හුරතල් කරන්නට මෙය ළඳරු පාසලක් නොවේ. එක බ්ලොග් කරුවෙක් නිසා තව බ්ලොග් කරුවෙක් ගොඩ යන්නට නොහැකිය. බ්ලොග්කරුවන්ට තම බ්ලොග් අඩවිය තුල කළ හැක්කේ ලිවීමය. ගොඩයෑම යනුවෙන් අදහස් කරන්නේ හිට්ස් සහ ප්‍රතිචාර සංඛ්‍යාවනම් එය බොහෝවිට අන්තර්ගතයෙන් ස්වායක්තය. බොහෝවිට එය රදාපවතින්නේ හිත් ඇදගන්නා මාතෘකා සහ ලිපි ලිවීමේ සීඝ්‍රතාවය යන ප්‍රධාන කාරණා දෙක මත බව පෙන්වීමට මේ බ්ලොග් අවකාශය තුල කොතෙකුත් උදාහරණ ඇත. මීට අමතරව තමන් අදහස් දක්වන තැන්හී තමන්ගේ බ්ලොග් අඩවියේ සබැඳිය එල්ලා තැබීමෙන්ද හිට්ස් යන්න රැස්කරගත හැකිය. තවද දිනකට වැටෙන සියලු බ්ලොග් අඩවි වල සියලු ලිපි වලට වචන දෙකක හෝ ප්‍රතිචාරයක් දීම මගින්ද හිට්ස් වැඩිකරගත හැකිය. අදාල ලිපිය ලියූ තැනැත්තා බ්ලොග් අවකාශයේ හැසිරෙන අයුරු නිරීක්ෂණය කිරීමෙන් ලියුම්කරුගේ ඉහත කාරණා සත්‍යබව ඕනෑම අයෙකුට තේරුම්ගත හැකිවනු ඇත. බ්ලොග් අවකාශය යනු ලියන්නන් සිටින තැනකි. බ්ලොග් අවකාශය තුල හිනිපෙත්තක් යනුවෙන් දෙයක් නැත. පොරවල් නැත. සිටින්නේ තමන් පොර යැයි සිතා සිටින අය හා අරූ පොරයැයි ඇඟිල්ල දික් කරන අය පමණකි.

මේ සියලුම දෙනාට අමතකව ගිය පොදු කාරණයනම් මේ සියලු සිදුවීම් සිදුවන්නේ අන්තර්ජාලයේ බවයි. අන්තර්ජාලය යනු ඔබට අවැසි අයුරින් පාලනය කළ හැක්කක් නොවේ. කොටින්ම එය ලොව කිසිඳු ආණ්ඩුවකට අවැසි ආකාරයටවත් සකස් කළ නොහැක්කකි.

“ඇනෝනිමස් පහසුකම සපයා ඇති බ්ලොග් අඩවි වර්ජනය කරමු!!!” ගොං බ්ලොග් සේනා සංවිධානය

ano

 ගොංබ්ලොග් සේනා සංවිධානය ඊයේ මාධ්‍ය හමුවක් සංවිධානය කර තිබුණා. එහිදී අදහස් දැක්වූ සංවිධානයේ නිල මාධ්‍ය ප්‍රකාශක මා(නො)තලන් මහතා ප්‍රකාශ කළේ සියලුම බ්ලොග් කරුවන් ඇනෝනිමස් පහසුම සලසා ඇති බ්ලොග් අඩවි වර්ජනය කළ යුතු බවයි. බ්ලොග් අවකාශය සුන්දර කිරීමටනම් මෙවන් මොහොතක සියලුම බ්ලොග් කරුවන් එකට ඇනතියා වාඩි වී එකා මෙන් කටයුතු කළ යුතු බවත් ඒ මහතා වැඩි දුරටත් පැවසීය. තව දුරටත්  අදහස් දැක්වූ ඒ මහතා ඉල්ලා සිටියේ සියලුම බ්ලොග් කරුවන් මේ භාර දූර කටයුත්තට සහය පල කිරීමක් වශයෙන් තම බ්ලොග් අඩවි වල “No ඇනෝනිමස් එපා” බැනරය එල්ලා තබන ලෙසයි. මේ අවස්ථාවට බ්ලොග් ගොං සේනා සංවිධානයේ සභාපති ක. සෑම්(කබු සෑම්) මහතා සහ ලේඛම් කු. අටමා(කුණුහරුප අටමා) ඇතුලු සම්භාවනීය පිරිසක් සහභාගී වූහ.

මාධ්‍ය හමුවෙන් අනතුරුව මේ පිරිස ගොං බ්ලොග් සේනා සංවිධානයට සහය පළ කරමින් පැවති උද්ගෝෂණයකටද සහභාගී වූ අතර එහිදී කතන්දර විසින් හස්තද්වාරයෙන් එළිදක්වන ලද “මං වාරණයට අකමැතියි නංගියේ” කයිකතන්දර කෘතිය ගිනිතැබීමට උද්ඝෝෂකයන් කටයුතු කලේ එහි “No ඇනෝනිමස් එපා” සංකල්පයට  විරුද්ධ කයි පද අඩංගු බව පවසමින්. අනතුරුව ඔවුන් ලකෆ්‍රෑන්ස් නමින් පඹයෙක්ද ගිනිතබා සතුටින් විසිර ගියහ.

නිර්-නාමිකත්වය, ව්‍යාජ-නාමිකත්වය සහ සිංහල බ්ලොග් අවකාශය |Anonymity, Pseudonymity and Sinhala blogosphere

අද සිංහල බ්ලොග් අවකාශයේ බොහෝදෙනාට ‘Anonymous’ යන නාමය ඇසූ පමණින් ඇඟේ මයිල් කෙලින් වී යයි. ගිරිය පුප්පා කෑ ගසන්නට පටන් ගනියි. කියවීම මද සිංහල බ්ලොග් කාරයා ‘Pseudonymous’ යන වදන කිසිම දිනෙක අසාවත් නැත. එමෙන්ම anonymousලාගේ පලු අරින බහුතර සිංහල බ්ලොග් කාරයින් තමා ද අයත් වන්නේ pseudonymous කාණ්ඩයට බව දන්නේද නැත. මෙතැන් සිට මෙම ලිපියේ ‘Anonymous’ යන්න ‘නිර්-නාමික ලෙසද ‘Pseudonymous’යන්න ව්‍යාජ-නාමික ලෙසද යොදාගනු ඇත. නැතහොත් කියවීම මද සිංහල බ්ලොග් කාරයාට එය තේරුම් ගැනීමට අපහසු වනු ඇත. පෙර සඳහන් කළ පරිදි සිංහල බ්ලොග් අවකාශයේ බහුතරය ව්‍යාජ-නාමිකයින්ය. බොහෝවිට ඔවුන් නිර්-නාමිකයින්ගෙන් වෙනස් වන්නේ ඔවුන්ට ව්‍යාජ නාමයක් ඇති කමින් පමණකි. යමෙකුට ව්‍යාජ-නාමයක් ඇති පමණකින් ඔහු හෝ ඇය ‘ඇනෝනිමසයෙන් නොවේ’ යැයි හදුනා ගන්නා කියවීම මද සිංහල බ්ලොග් කාරයින් ඔහු හෝ ඇය පිළිබඳව පහන් සිතක් ඇති කරගනියි. එය ලියුම්කරුගේ සිත තුල බහුතර සිංහල බ්ලොග් කාරයින් පිළිබඳ පහන් සංවේගය උපදවන්නකි. ලියුම්කරු මෙවන් ලිපියක් ලිවීමට හේතුව, යමක් කියවා තේරුම් ගැනීමට හැකියාවැති අතලොස්සක් වූ සිංහල බ්ලොග් කාරයින් මේ ලිපිය කියවා ඔවුන් නිර්නාමිකත්වය පිළිබඳව දරණ ආකල්පය වෙනස් කරගනු ඇතයි ලියුම්කරු තුල ඇති මිත්‍යා විශ්වාසයයි.

බ්ලොග් අඩවි වල නිර්-නාමික අදහස් සැපයීමට අවසර ලබා දී ඇත්තේ මන්දැයි ඔබ මොහොතකට හෝ සිතුවාද? යුරෝපයේ බොහොමයක් රටවල අදහස් ප්‍රකාශකිරීමේ නිදහස යටතේ අන්තර්ජාලය තුල නිර්-නාමික වීමට නීතිමය අවසර තිබේ. අවාසනාවකට ලංකාව තුල තවමත් අන්තර්ජාල කටයුතු සම්බන්ධ විධිමත් නීති පද්ධතියක් නැත. නිර්-නාමිකයින්ගෙන් ඔබ නිර්-නාමික වන්නේ මන්ද යැයි විමසීම ව්‍යාජ-නාම බාවිතා කරන්නන්ගෙන් ඔබ උප්පැන්නේ නම බාවිතා නොකරන්නේ මන්ද යැයි විමසීමක් වැනිය. යමෙක් නිර්-නාමික වීමට හෝ ව්‍යාජ-නාමයක් බාවිතා කිරීම්ට හේතු ගණනාවක් තිබිය හැකිය. ප්‍රසිද්ධ ආයතයනක කටයුතු කරන අයෙකුට තම ආයතනයේ සිදුවන අකටයුතුකමක් පිළිබඳ ලිපියක් ලිවීමට නිර්-නාමික හෝ ව්‍යාජ-නාමයක් භාවිතා කිරීමට සිදුවීමට හැකිය. නැත්නම් තම මිතුරෙක් ලියූ ලිපියක් විවේචනය කිරීමට කෙනෙක්ට නිර්-නාමික හෝ ව්‍යාජ-නාමිකයෙකු විය හැකිය. විවිධ පුද්ගලයන්ගේ මනෝභාවයන් විව්ධ බැවින් යම් කිසි ක්‍රියාවකට ඔවුන් දක්වන ප්‍රතිචාරය කෙබඳු දැයි අනුමාන කළ නොහැකිය. එවන් අවස්ථාවක යමක් විවේචනය කිරීමට හෝ උපහාසයට ලක් කිරීමට නිර්-නාමික වීම තුල හෝ ව්‍යාජ-නාමිකයෙකු වීම තුල ලියුම්කරු වරදක් දකින්නේ නැත. සිංහල බ්ලොග් ඉතිහාසයේ සිටි විශිෂ්ඨතම ව්‍යාජ-නාමිකයා ලෙස ලියුම්කරු හඳූන්වන්නේ ටැබූව ය.

මීළඟට අපි සලකා බලමු නිර්-නාමිකත්වයේ හා ව්‍යාජ-නාමිකත්වයේ ඉතිහාසය පිළිබඳව. බහුතර සිංහල බ්ලොග් කරුවන් හැසිරන ආකාරය දුටු විට ලියුම්කරුට හැඟෙන්නේ ඔවුන් නිර්-නාමිකයින් සහ ව්‍යාජ-නාමිකයින් දැක ඇත්තේ අන්තර්ජාලයෙන් බවයි. නමුත් නිර්නාමිකත්වය සහ ව්‍යාජනාමිකත්වය අන්තර්ජාලය සමඟ ඇති වූවක් නොවේ. එය අන්තර්ජාලය ලොව ඇතිවීමට බොහෝ කාලයකට පෙර සිට පැවති දෙයකි. කොටින්ම එය ‘මේ කාලයේදී ඇතිවන්නට ඇතැයි’ නිශ්චික කාල රාමුවකින් පාවා ප්‍රකාශ කිරීමට නොහැකි බව ලියුම්කරුගේ අදහසයි. නිර්ණාමිකත්වය එතරම් අතීතයට දිව යයි. මහා ගත්කරු විලියම් ෂේක්ස්පියර් යනු ව්‍යාජ-නාමයක් භාවිතා කළ පුද්ගලයෙක් බව දන්නේ සිංහල බ්ලොග් අවකාශයේ කී දෙනෙක් විය හැකිද? එමෙන්ම ඈත අතීතයේ පටන්ම නිර්ණාමිකයින් විසින් කළ සාහිත්‍ය නිර්මාණ රාශියකි. ලාංකීය සහිත්‍යයේ වුවද කතෘ වරයෙකු නොදන්නා නිර්මාණ බොහොමයක් පවතියි. උදාහරණ කීපයක් ලෙස ගිරා සංදේශය, තිසර සංදේශය යනාදිය දැක්විය හැකිය. ලියුම්කරුගේ අදහසනම් එතරම් විශිෂ්ඨ සාහිත්‍ය නිර්මාණ සිදුකළ පුද්ගලයින් තමාගේ නම හෙලි නොකර සිටීමට කිසියම් හේතුවක් තිබිය යුතු බවයි.

මෑත අතීතයේ ගම්මාන වල කැලෑපත්තර ගැසුවේ කවුරුන් විසින්ද? කැලෑපත්තර ගැසුවේද නිර්-නාමිකයින් විසින්ය. විටෙක එක රචනා ස්වරූපයක් ගත්තේය. තවත් විටෙක එක කාව්‍යයමය ස්වරූපයක් ගත්තේය. විටෙක එය ගමේ ප්‍රබලයෙක්ගේ අකටයුත්තක් පිළිබඳ අනාවරණයක් විය. තවත් විටෙක එය පුද්ගලයෙක්ට සිදුකළ අභූත චෝදනාවක් විය. සෑම ක්‍රියාවකදී මෙන්ම නිර්-නාමික වීමේ හොඳ පැත්තක් මෙන්ම නරක පැත්තක්ද ඇත. ගමේ කැලෑපත්තරයට වඩා බ්ලොග් අවකාශක නිර්-නාමික අදහස් දැක්වීම් වෙනස්ය. ගමේ කැලෑපත්තරයකින් කෙනෙක්ට අභූත චෝදනාවක් එල්ල කළ විට එහි සත්‍ය අසත්‍ය බව මුළු ගමටම ඔප්පුකර දැක්වීම තරමක් අසීරු කාරණයකි. නමුත් අන්තර්ජාලයේ අපට එල්ල කළ අභූත චෝදනාවකට ප්‍රති උත්තර සැපයීම පහසු කාරණයකි. එය පහසු කාරණයක් වන්නේ චෝදනාව ‘අභූත’ නම් පමණකි.

නමුත් අද සිංහල බ්ලොග් අවකාශයේ සිදුවන්නේ කුමක්ද? යමෙක් විසින් ලියූවක් නිර්-නාමිකයෙකු විසින් විවේචනය කළ පමණින් ලේඛකයා නිර්-නාමික අදහස මකා දමා නිර්-නාමික අදහස් දැක්වීම ඇති අයිතියට අගුලු දමයි. ඉන්පසු ඒ නිර්-නාමික අදහස දැමූ තැනැත්තාගේ කොඳු නාරටිය ගැන ප්‍රශ්න කරයි. නිර්-නාමික අදහස් කරුට නොසෑහෙන්න දොස් පවරයි. නිර්-නාමික අදහස් කරුවා කළ විවේචනයට ප්‍රති උත්තර නොදී මඟ හැරයයි. ඒ අතර කොඳු නාරටිය ඇතැයි කියාගන්නා ලේඛකයාගේ මිතුරු බාලයින්ද පැමිණ නිර්-නාමික අදහස්කරුට බැණ වදියි. ඒ ඔවුන්ගේ කොඳු නාරටියේ තරමය. නිර්-නාමික අදහස් කරුවා කළ විවේචනයට අදහස් දැක්වීමට කිසිවෙකුටත් උවමනාව නැත. තවත් පිරිසක් නිර්-නාමික අදහස් දැක්වීමට අවසර ලබා දී අදහස් moderate කරයි. අදහස් moderate කිරීමේ කිසිම වරදක් නැත. වරද ඇත්තේ එසේ කරන සමහර උදවිය තමාට වාසිදායක අදහස් පමණක් තමාගේ බ්ලොග් අඩවියේ පල කිරීමයි. මෙයට හොඳම උදාහරණය ලෙස ලියුම්කරු මීට සති කීපයකට ඉහතදී තමන් රැඩිකල්යැයි කියාගනිමි පම්පෝරි ගසා ගන්නා තරුණියකගේ ලිපියකට දැමූ නිර්-නාමික අදහස දැක්විය හැකියි.

“අසම්මතයට සමාජය දී ඇත්තේ වැරදි අර්ථ කතනයක් යැයි ඔබ පවසයි. මා ඔබෙන් විමසන පැනය නම් සමාජය අසම්මතයට නිවරදි අර්ථ කතනයක් දුන් තැන එය තව දුරටත් අසම්මයක්ම වේද යන්නයි? ඔබට මේ ලිපිය ලියද්දී අමතකව වී ගිය අනෙක් කාරණය නම් සම්මතය හෝ අසම්මතය පුද්ගලානුබද්ධ දෙයක් බවයි. ඔබේ ලිපියෙන් මා හට ගම්‍ය වූ එකම කරුණනම් ඔබ අසම්මතයැයි ඔබම සාදා ගත් රාමුවක් තුල ඔබේ බාහිර රූපය සහ හැසිරීම පමණක් එලෙස වෙනස් කරගැනීම තැත් කරනා බහුතර වත්මන් තරුණියන්ගෙන් එක් අයෙක් බවයි.”

මෙම අදහසේ කිසිදු අසභ්‍ය වදනක් ඇතුලක් නැත. ලියුම්කරු සිදුකලේ ඇගේ ලිපියේ අදහස ඇයටම වැටහේදැයි ප්‍රශ්න කිරීම පමණකි. නමුත් ඇය ඉහත අදහස ඇගේ බ්ලොග් අඩවියේ පල කළේ නැත. එලෙස මත වාරණය කිරීමට හේතුව කුමක් විය හැකිද? ඇයගේ ලිපිය හේතු විරහිතව ප්‍රශංසාවට ලක්කරන උන්ගේ අදහස් වෙනස් වේවි යැයි සිතාද? ඇයට ලියුම්කරුගේ ප්‍රශ්න වලට පිළිතුරු දිය නොහැකි නිසාද? ඇගේ අදහස හැමවිටම නිවැරදියැයි පාඨකයින්ට ඔප්පු කළ යුතු නිසාද?

සිංහල බ්ලොග් අවකාශයේ නිර්-නාමික මත වාරණය කරන ආකාර සහ නිර්-නාමිකයින්ට බැන වදින ආකාර කීපයක් දැක්විය හැකිය.

  1. නිර්-නාමික අදහස් සම්පූර්ණයෙන්ම වසා දමා නිර්නාමිකයින්ට බැන වැදීම.
  2. නිර්-නාමික අදහසක් වැටුනු පසු එම අදහස මකා නිර්නාමික අදහස් වසා දමා නිර්නාමිකයින්ට බැන වැදීම.
  3. නිර්-නාමික අදහසක් වැටුනු පසු අදහස මකා නොදමා නිර්නාමික අදහස් වසා දමා නිර්නාමිකයින්ට බැන වැදීම.
  4. අදහස් moderate කර තමාට වාසිදායක අදහස් පමණක් පල කිරීම.

ඉහත අවස්ථා හතරම ලියුම්කරුට අනූව ‘පාලු ගෙයි වළන් බිඳිම්’ ලෙස පොදුවේ හැඳින්විය හැකිය. කිසියම් ලේඛකයෙකු ඉහත අවස්ථාවනට එලබෙන්නේ නිර්-නාමිකයින් එල්ල කරන විවේචනය සත්‍ය නිසා සහ එම සත්‍යය අනෙක් අයගෙන් සැඟවීමට අවශ්‍ය නිසා නොවේනම් අන් කවරකටද? තමාගේ මෝඩ අදහස් සහ මතයන් බ්ලොග් හරහා පතුරා දමා එයට විරුද්ධව නඟෙන හඩ යටපත් කිරීමට විනා අන් කවරකටද?

නිර්-නාමිකත්වය වැරදිලෙසට භාවිතා කරන්නන් පිළිබඳව ලියුම්කරුට අමතක වූයේ නැත. තමන්ගේ බ්ලොග් අඩවියට වැටෙන හේතු විරහිත අසභ්‍ය වදන් මකා දැමීම අපහසු කාරණයක් නොවේය. තමන්ගේ බ්ලොග් අඩවියට අසභ්‍යවදනක් වැටුනු පමණකින් සිහි මුර්ජාවන ළඳරුවන් මේ බ්ලොග් අවකාශයේ නැති බව ලියුම් කරුගේ හැඟීමයි. එමෙන්ම තමන්ගේ විකෘති මානසික මට්ටම් පෙන්නුම් කරන නිර්-නාමික අදහස් කරුවන් ගැවසෙන හොඳම ස්ථානයක් ලෙස ලකෆ්‍රෑන්ස් නම් බ්ලොග් අඩවිය දැක්විය හැකිය. හාස්‍යයට කරුණනම් එම අඩවියේදී වැරදීමකින් තමන්ගේ නිර්-නාමික සූකර ගති හෙලිවූ සමහරුන්ම ඔවුන්ගේ බ්ලොග් වල නිර්-නාමික අදහස් අවහිර කර, කිසිඳු තාර්කික බවකින් තොර මෝඩ අදහස් ඉදිරිපත් කරමින් සූකරයන් පිළිබද ලිපි ලිවීමය. එමෙන්ම ලකෆ්‍රෑන්ස් අඩවියේ පැරණි ලිපි පිරික්සූ ලියුම්කරුට කොන්ද පණ ඇතියැයි කියාගනිමින් තමන් බ්ලොග් ලියනා ව්‍යාජ-නාමය සහිත ගිණුමෙන් පැමිණ අසභ්‍ය වදන් කියන පුද්ගලයන්ද නෙත ගැටුනි. ලියුම්කරු විමසන පැනය නම් එසේ අසභ්‍ය වදන් පවසන්නන්ගේ සහ නිර්ණාමිකව පැමිණ අසභ්‍ය වදන් පවසන්නන්ගේ වෙනස කුමක්ද යන්නයි. නිර්නාමිකයින්ගේ කොන්ද ගැන ප්‍රශ්න කරනා අයගෙන් තව ප්‍රශ්නයක් අසන්නට ඇත. නිර්නාමිකයින් ගෙනන චෝදනා හෝ විවේචන අසත්‍ය නම් ඒවාට පිළිතුරු දීමට ඔබට කොන්දක් නැතිද?

අවසානයේ සිංහල බ්ලොග් අවකාශයේ කිසිඳු මතවාරණයක් සිදු නොකරන කතන්දර කාරයා වැන්නවුන්ට ලියුම්කරුගේ ආචාරය පිරිනැමේ.

References